उखाणे स्पर्धेत रामनगरच्या मनीषा सुनील सिडाम प्रथम मकर संक्रांतीनिमित्य गडचिरोली येथे हळदी कुंकू कार्यक्रम
गडचिरोली :- आपण समाजामध्ये जीवन जगत असताना अनेक महिलांमध्ये मतभेद व हेवेदावे पहायला मिळतात यातून काहीही साध्य होत नसताना आपण विनाकारणच मतभेद करून संकुचित जीवन जगत असतो त्यामुळे महिलांनी आपसातील मतभेद व हेवेदावे दूर करून चांगल्या रीतीने आनंदाने जीवन व्यतीत करावे व अशा मकर संक्रांतीच्या सणानिमित्त सर्वांनी एकत्र येऊन आनंदाने असे उत्सव साजरे करावे असे आवाहन गडचिरोलीच्या माजी नगराध्यक्ष योगिताताई पिपरे यांनी केले मकर संक्रांतीच्या निमित्याने गडचिरोली येथे आयोजित हळदी कुंकू कार्यक्रमात महिलांना मार्गदर्शन करताना त्या बोलत होत्या.
गडचिरोली विधानसभा क्षेत्राच्या वतीने आमदार डॉ देवरावजी होळी यांच्या अर्धांगिनी सौ बीनाराणी होळी यांच्या तर्फे मकर संक्रांतीच्या निमित्याने गडचिरोली येथील गानली समाज सभागृहात हळदी कुंकू कार्यक्रमाचे आयोजन काल दि 20 जानेवारी रोजी करण्यात आले होते कार्यक्रमाला विशेष अतिथी म्हणून गडचिरोली विधानसभा क्षेत्राचे आम. डॉ देवरावजी होळी प्रामुख्याने उपस्थित होते. कार्यक्रमाच्या अध्यक्षस्थानी माजी नगराध्यक्ष योगीताताई पिपरे होत्या. प्रमुख पाहुणे म्हणून बिनाराणी देवरावजी होळी, माजी जिप अध्यक्ष योगीताताई भांडेकर, माजी जिप समाज कल्याण सभापती रंजिता कोडाप,शहर अध्यक्ष मुक्तेश्वर काटवे, महिला आघाडी च्या शहर अध्यक्ष कविता उरकुडे, माजी नगरसेविका वैष्णवी नैताम, लता लाटकर, नीताताई उंदिरवाडे, कोमल बारसागडे , अर्चना निंबोड, ज्योती बागडे, संगीता बारापात्रे, वछलाबाई मुनघाटे, तालुका महामंत्री हेमंत बोरकुटे, शहर महामंत्री केशव निंबोड , विलास नैताम, देवाजी लाटकर, उपस्थित होते.
यावेळी मकर संक्रांतीच्या निमित्ताने खास महिलांसाठी एक मिनिटाची उखाणे स्पर्धा घेण्यात आली या स्पर्धेमध्ये रामनगर येथील रहिवासी मनीषा सुनील सिडाम यांनी प्रथम क्रमांक पटकाविला त्यांनी एका मिनिटांमध्ये सात उखाणे घेऊन स्पर्धेत बाजी मारली तर वैरागडे यांनी सहा उखाणे घेऊन द्वितीय क्रमांक पटकावला. यावेळी बीनाराणी देवराव होळी यांच्याकडून प्रथम पाचशे रुपये व द्वितीय 300 रुपयांचा पुरस्कार देऊन मनीषा सिडाम व वैरागडे यांना गौरविण्यात आले. हळदी कुंकू कार्यक्रमाला शहरातील महिला मोठ्या संख्येने उपस्थित होत्या.
